今期流行VR打机睇戏，但边个话得後生仔至可以玩VR！拥有400年历史弘前城就话要玩埋一份，整个VR导赏团，系日本首个将VR技术应用於观光上地方，共设有追手门、弘前城天守等5个观景点，行到埋去後只要戴上VR眼镜，即可720度无死角睇尽同一位置冬、春季景色，而今後更会陆续加入秋、夏季映像，以後想一次睇匀四季靓景仲边有难度！其实弘前城除系国家指定遗迹，亦由於弘前公园内种满樱花树及枫树，而同为赏樱名所及红叶胜地，甚至连雪景都靓过人…以往每次只能三拣一要含泪抉择，真系一早就应该要有呢个VR团。可能你会话咪又系用虚拟实景自欺欺人，但对於在秋天到访弘前城小编讲，戴上眼镜後睇到一片樱色，系感动！

弘前公园内种有约2600棵的樱花树，每年吸引超过200万游客赏樱，怕同人逼就拣其他季节用VR眼镜睇啦！

冬日的弘前城铺上一层白雪，独立在银白世界中显得有点萧瑟，与春天相比又别有一番风味。

拱桥中间系其中一个check point，亦系观望弘前城最佳位置，可惜天守附近并没有太多红叶。
地址∶青森县弘前市下白银町1
开放时间∶4月1日至11月23日 9:00am-5:00pm、樱花祭期间 7:00am-9:00pm
定休日∶弘前城 11月24日至3月31日（弘前城本丸北之郭於期间内免费入场）
交通∶JR弘前站转乘巴士，於市役所前站下车，徒步约4分钟
网址∶http://www.hirosakipark.jp/

有种苹果，系要扭出来
去青森唔食苹果犹如无去过，更何况而家正值苹果季节，一日一苹果都未必够数。想疯狂食苹果有好多选择，不过贪心如小编想要又食又玩，就只能拣属星野Resort的青森屋喇！讲「住」，叫得做resort青森屋有靓房靓景靓温泉，当然无令人担心，只系讲到「玩」，就未免有太多惊喜了！唔知系咪青森屋深知自己附近便利店都无间，所以每隔三个月就会准备不同丰富节目畀住客，即使只系「食苹果」　小事，都特地安置日本首部「苹果扭蛋机」，里面有富士、Toki等好几款苹果，睇见忍唔住扭3次，至发现要储齐一套真心唔易！扭蛋机隔离更有个水龙头，千祈咪以为系食完苹果洗手用，实情系苹果汁自由斟，好味到包你饮完返唔到转头。饮饮食食之外，仲有巨型苹果花灯、300个苹果挂灯等布置，以及钓扇贝、扇贝绘马等玩意，如果无返　上下精力认真唔够　玩！

100yen扭一次，食到边款苹果完全睇运气！

　巨型扭蛋都系第一次见！

苹果汁可以任斟，但每日斟晒就无，所以斟还斟，都要记得留返畀其他人呀

钓到扇贝可以即场叫师傅烧食，当然钓唔到都会畀返同等价值扇贝啦！收费∶1,080日圆 / 5分钟

房间十分宽敞乾净，最玩完成晚好好休息。

晚饭时间有包括睡魔花灯等青森四大祭表演睇，更可参加跳人体验同表演者、其他住客大跳祭典舞蹈，气氛热闹非常！但要留意想晚饭时睇骚就要事前於订房时拣埋！
地址∶青森县三泽市字古间木山56
电话∶0570-073-022
入住时间∶Check in 3:00pm、Check out 12:00am
语言∶日文、英文
交通∶JR八户站转乘酒店接送巴士约40分钟
Wi-Fi∶全馆客房及大堂均有免费Wi-Fi提供
网页∶http://noresoreaomoriya.jp/